“Zirə” və “Sabah” bu gün Avropa Konfrans Liqasında növbəti sınaqlarına çıxacaqlar.

Sports.az xəbər verir ki, komandalarımız 3-cü təsnifat mərhələsində cavab oyunlarını keçirəcəklər.

“Zirə” Xorvatiyanın “Osiyek” komandasını qəbul edəcək. “Sabah” da doğma meydanda İrlandiya təmsilçisi “Sent-Patriks Atletik”i sınağa çəkəcək. 

Hər iki komandamız mərhələ adlamaq şansını saxlayır. “Sabah” ilk oyunda minimal hesabla uduzsa da, bunun əvəzini çıxmaq mümkündür. “Zirə” isə səfərdən heç-heçə ilə qayıtdığı üçün istənilən hesablı qələbə pley-offa vəsiqə üçün yetərli olacaq.

Avropa Konfrans Liqası
3-cü təsnifat mərhələsi, cavab oyunları
15 avqust

20:00. “Sabah” - “Sent Patriks”
Baş hakim: Marsel Birsan
Baş hakimin köməkçiləri: Radu Qinquleas, Adrian Vorniku
Dördüncü hakim: Andrei Antonie
VAR hakimləri: Radu Petresku, Rares Vidikan
(Hakimlər briqadası Rumıniyadandır)
“Bank Respublika Arena.”
İlk oyun - 0:1

20:30. “Zirə” – “Osiyek”
Baş hakim: Yulian Veinberqer
Baş hakimin köməkçiləri: Maximilian Kolbitş, Andreas Vitsçniqq
Dördüncü hakim: Stefan Ebner
VAR hakimləri: Valter Altmann, Andreas Heyss
(Hakimlər briqadası Avstriyadandır)
“Liv Bona Dea Arena”.
İlk oyun - 1:1.