“Qarabağ” bu gün “Çelsi” ilə qarşılaşacaq
“Qarabağ” bu gün UEFA Çempionlar Liqasında növbəti oyununa çıxacaq.
Sports.az xəbər verir ki, Azərbaycan çempionu əsas mərhələnin 4-cü turu çərçivəsində “Çelsi” ilə qarşılaşacaq.
Tərəflər Bakıda Tofiq Bəhramov adına Respublika stadionunda üz-üzə gələcəklər. Oyunu Avstriyadan olan hakimlər briqadası idarə edəcək. Oyunun baş hakimi Sebastyan Qişamer olacaq. Qarşılaşmaya saat 21:45-də start veriləcək.
Xatırladaq ki, hər iki komanda əvvəlki turlarda 2 qələbə qazanıb, 1 məğlubiyyət yaşayıb. Hazırda hər iki komandanın hesabında 6 xalı var. “Çelsi” 13-cü, “Qarabağ” 14-cü pillədə qərarlaşıb.
UEFA Çempionlar Liqası
Liqa mərhələsi, 4-cü tur
5 noyabr
“Qarabağ” - “Çelsi”
Hakimlər: Sebastyan Qişamer, Roland Ridel, Santino Şrayner, Valter Altmann (Avstriya).
Tofiq Bəhramov adına Respublika stadionu. Saat 21:45.
