“Hər iki komanda növbəti mərhələyə layiq idi”
“İmişli” bu gün Azərbaycan kubokunun 1/8 final mərhələsində “Sabah”la qarşılaşıb.
Sports.az xəbər verir ki, Quba Olimpiya İdman Kompleksinin stadionundakı matçın əsas vaxtında heç-heçə (1:1) edən, uzatmalarda isə daha bir qol buraxaraq, 1:2 hesabı ilə məğlub olan bölgə təmsilçisinin baş məşqçisi Xorxe Kaskilyanın oyundan sonra mətbuat konfransı keçirilib.
Portuqaliyalı çalışdırıcı meydançanın hər yerində çox gözəl pressinq etdiklərini bildirib:
“Meydanda iki gözəl komanda var idi. Çox rəqabətli oyun keçdi. İlk hissədə yaxşı “İmişli” var idi. Meydançanın hər yerində çox gözəl pressinq edirdik. İlk hissədə yaxşı çıxış etsək də, qolumuzu tapa bilmədik. “Sabah”ı isə təbrik edirəm. Çox yaxşı ev tapşırığından sonra qapımıza yol tapdılar. Hər iki komanda növbəti mərhələyə layiq idi. Təəssüf ki, bir komanda mübarizəsini davam etdirməlidir. Ona görə də, “Sabah”ı təbrik edirəm
Biz bu iki matçda məğlub olsaq da, rəqabətli, mübarizəli oyunlar keçirdik. Növbəti matçlara hazırlaşacağıq. Keçən konfransada da bildirmişdim ki, oyunçu almaq, komandanı gücləndirmək istəyirik. Amma yanvar transfer pəncərəsi çox çətin keçir. Biz “Sabah”, “Qarabağ” kimi finans komanda deyilik. Çalışacağıq yeni oyunçular transfer edək. Amma çox çətin olacaq”.
