“Turan Tovuz” “İmişli”yə, “Qarabağ” “Sabah”a qarşı
Bu gün Misli Premyer Liqasında 22-ci tura yekun vurulacaq.
Sports.az xəbər verir ki, son gündə 2 oyun baş tutacaq.
“Turan Tovuz” Bakıda “İmişli” ilə qarşılaşacaq. Oyunun baş hakimi Fərid Hacıyev olacaq.
Turun son oyunu isə “Qarabağ”la “Sabah” arasında keçiriləcək. Bu matçı Tural Qurbanov idarə edəcək.
Daha öncə “Kəpəz” “Sumqayıt”a 3:0 hesabıyla qalib gəlib, “Araz-Naxçıvan” “Zirə”yə uduzub – 0:1. “Şamaxı” – “Neftçi” (2:2) və “Qəbələ” – “Karvan-Yevlax” (1:1) matçlarında isə qalib müəyyənləşməyib.
Misli Premyer Liqası
22-ci tur
1 mart
“Turan Tovuz” – “İmişli”
Hakimlər: Fərid Hacıyev, Namiq Hüseynov, Rəhman İmami, Alik Yunusov.
“Azersun Arena”, 16:30.
“Qarabağ” – “Sabah”
Hakimlər: Tural Qurbanov, Asiman Əzizli, Cəmil Quliyev, Əkbər Əhmədov.
Tofiq Bəhramov adına Respublika Stadionu, 19:00.
