ABL: Bu gün daha bir oyun baş tutacaq

Azərbaycan Basketbol Liqasının 10-cu turunda bu gün daha bir oyun keçiriləcək.

Sports.az xəbər verir ki, A qrupunda “Abşeron” “Neftçi” ilə qarşılaşacaq.

Abşeron Olimpiya Kompleksində baş tutacaq görüşə 19:00-da start veriləcək. Hazırda “Abşeron” qrupda 8-ci, “Neftçi” isə 9-cu yerdə qərarlaşıb. Hər iki komandanın 12 xalı var.

10-cu turun ötən gün keçirilən “Sabah” - “Naxçıvan” qarşılaşması Naxçıvan təmsilçisinin 80:75 hesablı qələbəsi ilə yekunlaşıb. Turun digər oyunları yanvarın 11-i və 12-də keçiriləcək.