Digər
AVF yeniyetmə və gənc qız voleybolçuların seçiminə start verir
10.01.2026 | 16:40
Azərbaycan Voleybol Federasiyası (AVF) yeniyetmə və gənc qız voleybolçuların seçiminə yenidən start verir.
Sports.az AVF-nin mətbuat xidmətinə istinadən xəbər verir ki, bu məqsədlə Bakı və regionlarda fəaliyyət göstərən Regional Voleybol Klublarında (RVK) "Seçim günü" təşkil olunacaq.
Seçimlər yeniyetmə və gənc qızlardan ibarət milli komandaların rəhbəri Şahin Çatma tərəfindən aparılacaq. Prosesdə fərqlənən 2012 və 2013-cü il təvəllüdlü idmançılar müvafiq yaş qrupları üzrə milli komandalara cəlb ediləcəklər.
Seçimlər yanvarın 13-də Bakıda, 17-də Sumqayıtda, 24-də Gəncədə, 25-də Tovuzda və 31-də Şəkidə aparılacaq.
Qeyd edək ki, növbəti mərhələdə Naxçıvan şəhərində də seçimlərin keçirilməsi planlaşdırılır.
Oxşar xəbərlər
Son xəbərlər
