“Arsenal”ın yarımmüdafiəçisi Jorjinyo Səudiyyə Ərəbistanı Peşəkar Liqası təmsilçisinin maraq dairəsindədir.

Sports.az xəbər verir ki, adının açıqlanmasını gizləyən ərəb klubu 31 yaşlı braziliyaəsilli italiyalı dayaq yarımmüdafiəçisi ilə danışıqlar aparır.

Jorjinyonun londonlularla müqaviləsi gələn ilin yayında başa çatacaq, amma “Arsenal”ın müqaviləni daha bir mövsüm uzatmaq imkanı var.

“Transfermarkt” internet-portalı Jorjinyonu 15 milyon avro məbləğində qiymətləndirir.

Daha əvvəl Jorjinyo bildirmişdi ki, “Arsenal”la hər hansı kubok qazanmaq istəyir və klubdan ayrılmağa tələsmir.