Britaniyalı məşhur jurnalist Pirs Morqan “Əl-Nəsr”ın və Portuqaliya yığmasının ulduz hücumçusu və kapitanı Kristiano Ronaldonun tarixi nailiyyətini şərh edib.

Sports.az xatırladır ki, Ronaldo UEFA Millətlər Liqasının Xorvatiya və Şotlandiya yığmaları ilə oyunları çərçivəsində hər iki komandanın qapısına bir qol vuraraq, futbolçu karyerası ərzində müvafiq olaraq 900-cü və 901-ci qollarını rəsmiləşdirmişdi.

“Ronaldo qol vurdu! Bu, onun bütün karyerasında Şotlandiyaya qarşı ilk qolu oldu. Bu qol onun peşəkar səviyyədə 901-ci qol idi. Kristiano yenidən özünəməxsus hekayəsini yaratmağı bacardı. Bu, sadəcə inanılmazdır”, deyə Morqan yazıb.

Vurğulayaq ki, Ronaldo rəsmi oyunlarda 900 qol həddinə çatmış ilk futbolçu kimi adını futbol tarixinə həkk edib.