“Arsenal”ın yarımmüdafiəçisi Jorjinyo Türkiyədə transfer pəncərəsinin bağlanması ərəfəsində “Qalatasaray”ın transfer hədəfi kimi ortaya çıxıb, amma “topçular” braziliyaəsilli italiyalı futbolçunu transfer etmək cəhdlərini rədd etməyə hazırlaşırlar.

Sports.az xəbər verir ki, “Mançester Yunayted”in futbolçusu Kazemiro “Old Trafford”da qalmaq istədiyini açıq-aydın bildirdikdən sonra Türkiyə nəhəngi diqqətini 32 yaşlı Jorjinyoya yönəldib.

Jorjinyo ilə müqaviləsinin bitməsinə cəmi bir il qalsa da, “Arsenal” “dayaqçı”nı komanda heyətinin dərinliyinə mühüm əlavə hesab edir və onunla ayrılmağa hazır deyil.