Madird “Atletiko”sunun yarımmüdafiəçisi Koke İspaniya La Liqasının 8-ci turunun “Real”la Madrid derbisi çərçivəsində oyunda (1:1) “döşəkçilər”in azarkeşləri ilə yaşanmış qalmaqala münasibətini açıqlayıb.

Sports.az ispan futbolçunun bu barədə fikrini təqdim edir:

“Bu, azacıq çılğın bir hal idi, biz oynamaq istəyirdik və bunun bir daha təkrarlanmaması üçün sakitləşmək istədik. Azarkeşlər dedilər ki, təxribata məruz qalıblar, amma bu, bəhanə deyil və ola da bilməz. Onlar hücuma məruz qaldıqlarını hiss ediblər, amma tribunadan heç nəyin atılmasına imkan verməməlidirlər. Biz oyun haqqında danışmalıyıq və ümidvaram ki, bu bir daha təkrarlanmayacaq, bunu edənlər isə stadiona qayıtmayacaq və “Atletiko” buna görə cəzalandırılmayacaq”.