“Barselona”nın, “blauqrana”nın mərkəz müdafiəçisi Ronald Arauxo ilə əmək müqaviləsinin müddətinin uzadılması ilə bağlı danışıqları daha çətin axarda irəliləyir.

Sports.az xəbər verir ki, uruqvaylı futbolçu bir neçə ay əvvəl Kataloniya klubundan aldığı təklifə hələ də cavab verməyib.

Bununla belə, hər iki tərəfin nümayəndələri gələn həftə görüş keçirməyi planlaşdırırlar. “Blauqrana” düşərgəsi futbolçudan müsbət cavab gözləyir.

Xatırladaq ki, Arauxonun “Barselona” ilə müqaviləsinin müddəti 2026-cı ilin yayında başa çatacaq.