Mbappenin komanda yoldaşları ilə yola getmədiyi haqda söz-söhbət yayıldı

“Real”ın fransalı ulduz hücumçusu Kilian Mbappe İspaniya La Liqasının “Osasuna” ilə ev oyununda (4:0) komanda yoldaşı, braziliyalı ulduz hücumçu Vinisius Juniorun het-trikinə anlaşılmaz qarşılıq verib.

Sports.az xəbər verir ki, “Vini” üçüncü qolunu vurduqdan sonra, qalan komanda yoldaşları braziliyalı futbolçunu təbrik etməyə tələsərkən Mbappe yerində tərpənməz qalıb.

Bu, sosial şəbəkələrdə azarkeşlər arasında Mbappenin komanda yoldaşları ilə gərgin münasibəti ilə bağlı söz-söhbətlərə səbəb olub. Maraqlıdır ki, “Osasuna” ilə oyunda Mbappe davamlı olaraq oyunu öz əlinə almağa çalışıb və demək olar ki, tərəfdaşlarına ötürmə etməyib. Buna rəğmən, fransalı ulduz heç bir səmərəli fəaliyyəti ilə fərqlənməyib.