“Real”ın fransalı ulduz hücumçusu Kilian Mbappe “qaymaqlılar”ın heyətində öz oyun səviyyəsindən getdikcə narahatdır.

Sports.az xəbər verir ki, 25 yaşlı futbolçu həm də ardıcıl ikinci dəfə Fransa yığmasına çağırış almaması, keçmiş klubu PSJ ilə məhkəmə çəkişməsi səbəbindən təzyiq altındadır və həmçinin mətbuat, daha əvvəl Mbappenin Stokholmdakı otellərdən birində baş vermiş zorlamada əli ola biləcəyinə işarə edib və bu, fransalı ulduzu çox pərişan edib.

Bununla belə, Mbappe “qaymaqlılar”ın rəhbərliyi başda olmaqla, qalan oyunçuları tərəfindən fəal surətdə dəstəklənir. “Real”ın məqsədinin Mbappenin ümidsizliyə düçar olmasına imkan verməmək olduğu vurğulanır.