Vinisius “Real”ın zədəli futbolçularına acıdı

“Real”ın braziliyalı ulduz hücumçusu Vinisius Junior İspaniya La Liqasının 13-cü turunun “Osasuna” ilə son oyununda (4:0) “qaymaqlılar”ın bir neçə futbolçusunun müxtəlif dərəcəli zədə almasına təəssüfünü bildirib.

Sports.az braziliyalı ulduzun bu barədə fikrini təqdim edir:

“Militao, Rodriqo və Lukas Vaskeslə baş vermişlərə görə kədərlənirəm. Təəssüf ki, bu mövsüm zədələr bizi tez-tez narahat edirlər. Ümidvaram ki, biz onlar (zədəlilər) naminə toparlanıb birləşə bilərik, onlar isə ən qısa zamanda geri-dönüş edə bilərlər”.