İspaniyanın "Real" klubunun zədəli futbolçuları Rodriqo və Lukas Vaskesin yaşıl meydanlara qayıdacağı vaxt bəlli olub.

Sports.az xəbər verir ki, bu barədə "Marca" nəşri məlumat yayıb.

Əzələsində problem aşkarlanan braziliyalı vinger 5-6 həftə, Vaskes isə təxminən 1 ay meydana çıxa bilməyəcək.

Hər iki oyunçu "Osasuna"ya dörd cavabsız qolla qalib gəldikləri La Liqanın 13-cü turunun matçında zədələniblər.