“Barselona” hesab edir ki, “baluqrana”nın uruqvaylı mərkəz müdafiəçisi Ronald Arauxo klubla 2026-cı ilin yayında başa çatacaq müqaviləsinin müddətini uzadacaq.

Sports.az xəbər verir ki, tərəflər ötən mövsüm yeni əmək müqaviləsinin imzalanması üçün danışıqlar aparsalar da, qarşılıqlı inamsızlıq səbəbindən razılığa gələ bilməyiblər.

Kataloniya klubu Arauxonun başqa komandaya keçmək istədiyinə inanırdı. Öz növbəsində, futbolçunun ətrafındakılar hesab edirdilər ki, “Barselona” maliyyə çətinliklərini həll etmək üçün Arauxonu satmaq istəyir.