2023-cü ilin yayından Səudiyyə Ərəbistanının “Əl-İttihad” klubunda uğurla çıxış edən fransalı dayaq yarımmüdafiəçisi N’Qolo Kante yenidən Avropa futboluna qayıda bilər.

Sports.az xəbər verir ki, hələ də yüksək səviyyəli oyun nümayiş etdirərək, Fransa yığmasının aparıcı oyunçularından biri olan Kante Madrid “Atletiko”sunun maraq dairəsindədir.

“Döşəkçilər” yayda Kanteni satın almağa çalışsalar da, uğursuzluğa düçar olmuşdular. Bu dəfə “Atletiko” yenidən cəhd etmək və gələn il Kanteni öz heyətinə qatmaq istəyindədir.

Vurğulanır ki, “Atletiko” həm “Əl-İttihad”la, həm də Kantenin özü ilə razılığa gəlməlidir.