“Real”ın ötən mövsüm ispan veteran hücumçu Xoselunun timsalında olduğu kimi, əvəzedici “vuran ayağa” – hücumçuya ehtiyacı var.

Sports.az xəbər verir ki, Madrid klubu Lion “Olimpik”inin 33 yaşlı fransalı hücumçusu Aleksandr Lyakazett ilə müqavilə imzalaya bilərlər.

Lyakazetin “Olimpik”lə müqaviləsi cari mövsümün sonunda başa çatacaq. “Real” Lion klubunun maliyyə çətinlikləri səbəbindən pul vəsaitinə ehtiyacı olduğunu bilir və Lyakazetin təcili satışı müqabilində futbolçunu “dəyər-dəyməzinə” satın almaq seçimi üzərində düşünür. Mümkün keçidin qarşıdakı qış transfer pəncərəsində gerçəkləşə biləcəyi təxmin edilir.