“Fənərbaxça”nın baş məşqçisi Joze Mourinyo “Əl-Nəsr”in portuqal ulduz hücumçusu və kapitanı Kristianu Ronaldo ilə əlaqə saxlayıb və ulduz futbolçunun Türkiyə klubuna keçmək ehtimalı ilə bağlı fikirlərini öyrənib.

Sports.az xəbər verir ki, “Mour” şəxsən Ronaldo ilə telefon əlaqəsi yaradıb və portuqal ulduzun “Əl-Nəsr”i tərk etmək istəyində olub-olmadığını soruşub, Ronaldonu “Fənərbaxça”ya dəvət edib.

Vurğulanır ki, “Fənərbaxça”nın idman direktoru Mario Branko Kristiano Ronaldonun agenti ilə artıq əlaqə də saxlayıb.