“Real” hesab edir ki, “qaymaqlılar”ın braziliyalı cinah hücumçusu Vinisius Juniorun FIFA tərəfindən ilin ən yaxşı futbolçusu mükafatı ilə təltif edilməsi imkanı yüksəkdir.

Sports.az xəbər verir ki, “Real” “Vini”nin FIFA-nın müvafiq mükafatını qazanmasını, səsvermədə ikinci yeri tutduğu “Qızıl top” uğurunda mükafata “təzminat” olaraq qiymətləndirir.

“Real”ın düşərgəsində FIFA-nın ən yaxşı oyunçu üçün mükafatı “Qızıl top”dan daha demokratik hesab edilir, çünki səsvermədə FIFA reytinqində ilk yüzlükdə yer almış ölkələrin ixtisaslaşmış jurnalistləri iştirak edirlər. Bu il azarkeşlər, məşqçilər və milli komandanın kapitanları da öz səslərini verə biləcəklər.