“Vest Hem”ə yeni təyin edilmiş baş məşqçi Qrem Potter “çəkicdöyənlər”in sükanı arxasında ilk transfer hədəfini müəyyənləşdirib.

Sports.az xəbər verir ki, ingilis mütəxəssis “Çelsi”nin 26 yaşlı ingilis yarımmüdafiəçisi Kirnan Dyuzberi-Holl ilə maraqlanır.

Öz növbəsində “Çelsi” Dyuzberi-Holu icarəyə verməyin əleyhinə deyil, belə ki, bu yolla “zadəganlar” ingilis futbolçunun gərəkli oyun təcrübəsi qazanacağına ümid edirlər.

Hazırda Dyuzberi-Holl “Çelsi”nin əsas heyətinə düşməkdə çətinlik çəkir, o səbəbdən futbolçunun “Vest Hem”ə keçid ehtimalı mümkündür.