Dünya futbolu
Norveç yığmasının üzvü “Roma”da
23.11.2022 | 15:58
“Roma” heyətini yeni futbolçu ilə gücləndirib.
Sports.az xəbər verir ki, paytaxt təmsilçisi Norveçin “Bodo Qlimt” klubunun yarımmüdafiəçisi Ola Solbakkeni transfer edib.
Bu barədə “canavarlar”ın rəsmi saytı məlumat yayıb. Tərəflər müddəti 2027-ci ilin yayına qədər olan müqaviləyə imza atıblar. Norveçli futbolçu yeni klubuna 2023-cü ilin 2 yanvarından etibarən qoşulacaq. Çünki onun “Bodo Qlimt”lə müqaviləsinin müddəti bu ilin 31 dekabrında bitəcək. İtaliya klubu “Bodo Qlimt”ə təzminat ödəməyəcək.
Solbakken “Ranheym” klubunun yetirməsidir. 24 yaşlı vinger 2020-ci ildən “Bodo Qlimt”də çıxış edir. O, Norveç yığmasında 4 oyun keçirib.