“Qarabağ”ın oyunlarını izləyəcəyik” - “Çelsi”nin baş məşqçisi
İngiltərənin "Çelsi" klubunun baş məşqçisi Entso Mareska UEFA Çempionlar Liqasının əsas mərhələsində üz-üzə gələcəkləri "Qarabağ"ın oyunlarını izləyəcək.
Sports.az xəbər verir ki, yerli mətbuata açıqlama verən mütəxəssis sıx qrafiklə oynadıqlarını xatırladıb.
O, növbəti matçlara köklənməli olduqlarını söyləyib:
"Qələbə qazandığımız vaxtda belə irəli baxmaq lazımdır. Liqa Kubokunda "Vulverhempton"la (4:3) qarşılaşmadan sonra təyyarədə və avtobusda "Tottenhem"in oyunlarını izləməyə başladıq. Sonra isə "Qarabağ"ı izləyəcəyik. Dayanmaq olmaz. Növbəti matça köklənməli və hər dəfə yeni bir şey öyrənməlisən".
"Çelsi" ötən gün İngiltərə Premyer Liqasının 10-cu turunda "Tottenhem"i məğlub edib - 1:0. London təmsilçisi noyabrın 5-də UEFA Çempionlar Liqasının əsas mərhələsinin 4-cü turunda "Qarabağ"ın qonağı olacaq.
