“Real” 8 müdafiəçisinin xidmətindən məhrum oldu

“Real” dekabrın 14-də İspaniya La Liqasının 17-ci turu çərçivəsində “Alaves”ə qarşı səfər oyununa böyük itkilərlə çıxmalı olacaq.

Sports.az xəbər verir ki, “qaymaqlılar”ın 8 müdafiəçisi bu və ya digər səbəbdən Madrid komandasının ispan baş məşqçisi Xabi Alonso üçün əlçatmaz olacaq.

Fran Qarsiya və Alvaro Karreras cəzalıdırlar. Eder Militan, Din Höysen, Trent Aleksander-Arnold, Daniel Karvaxal, David Alaba və Ferlan Mendi isə zədə səbəbindən oynaya bilməyəcəklər.

“Alaves”ə qədər isə yarımcan “Real”ı dekabrın 10-da Çempionlar Liqası çərçivəsində “Mançester Siti”yə qarşı doğma meydanda sınaq gözləyir.