Karvaxal “Real”la vidalaşdı

Məlum olduğu kimi, “Real”ın kapitan, 34 yaşlı ispan sağ cinah müdafiəçisi Daniel Karvaxal cari mövsümün başa çatması ilə “qaymaqlılar”dan azad agent qismində ayrılacaq.

Sports.az xəbər verir ki, Karvaxal İspaniya La Liqasının cari mövsümünün sonuncu, 38-ci turu çərçivəsində “Santyaqo Bernabeu”da Bilbao “Atletik”inə qarşı oyunda (4:2) “Real”ın heyətində sonuncu oyununu keçirib.

Oyuna başlanğıc heyətində çıxmış Karvaxal 84 dəqiqə mübarizə aparıb, “qaymaqlılar”ın birinci qolunun vurulmasında məhsuldar ötürmə ilə fərqlənib.