DÇ-2026: Ən yaxşı 10 oyunçu - SİYAHI

Nüfuzlu "Sky Sports" kanalı 2026-cı il dünya çempionatının ən yaxşı futbolçularının reytinqini açıqlayıb.

Sports.az xəbər verir ki, siyahıya Argentina millisinin kapitanı Lionel Messi başçılıq edir. 39 yaşlı hücumçu maksimum – 100 reytinq balı toplayaraq ilk pillədə qərarlaşıb.

İkinci yerdə Fransa yığmasının kapitanı Kilian Mbappe (97,69), üçüncü pillədə isə İngiltərə millisinin yarımmüdafiəçisi Çud Bellingem (91,54) qərarlaşıb.

İlk "10-luq"da həmçinin Osman Dembele (90,94), Unay Simon (88,48), Erlinq Haland (88,40), Pedro Porro (85,65), Mikel Oyarzabal (85,11), Aymerik Laport (83,66) və Pau Kubarsi (83,27) yer alıblar.

Maraqlıdır ki, dünya çempionu İspaniya millisinin futbolçularından ilk dörd pillədə heç kim yoxdur. Üstəlik, mundialın ən yaxşı futbolçusu seçilən Rodri də "Sky Sports"un hazırladığı reytinqdə ilk "10-luq"a düşə bilməyib.