"Liverpul"dan Barkola üçün 100 milyon avroluq təklif

"Liverpul" və PSJ hücumçu Bredli Barkolanın transferi ilə bağlı rəsmi danışıqlara başlayıb.

Sports.az xarici KİV-ə istinadən xəbər verir ki, İngiltərə təmsilçisi Fransa klubuna 100 milyon avrodan çox dəyərində ilk rəsmi təklifini təqdim edib. Ancaq bu məbləğ hələlik PSJ-nin tələb etdiyi qiymətdən xeyli aşağıdır.

Məlumata əsasən, Barkolanın özü də "Liverpul"a keçməkdə maraqlıdır. 

24 yaşlı hücumçu ötən mövsüm PSJ-nin heyətində bütün turnirlərdə 49 oyunda meydana çıxıb, 13 qol vurub və 7 məhsuldar ötürmə verib. "Transfermarkt" portalı onun bazar dəyərini 90 milyon avro qiymətləndirir.