"Çelsi" 60 milyon avroya qapıçı alır

"Çelsi" "Portu"nun qapıçısı Dioqo Koştanı transfer etməyi nəzərdən keçirir.

Sports.az "Mundo Deportivo"-ya istinadən xəbər verir ki, London təmsilçisi portuqaliyalı qolkiperin müqaviləsində yer alan 60 milyon avroluq sərbəstqalma məbləğini ödəməyə hazırdır. 

Bildirilir ki, bu transfer gerçəkləşərsə, "Çelsi" üçün cari yay transfer pəncərəsinin son böyük alışlarından biri olacaq.

"Transfermarkt" portalının qiymətləndirməsinə əsasən, Koştanın bazar dəyəri 40 milyon avrodur. Sentyabrda 27 yaşı tamam olacaq qapıçı hazırda dünyanın ən bahalı üçüncü qapıçısı hesab olunur.

Koşta indiyədək "Portu"nun heyətində ümumilikdə 247 oyuna çıxıb. O, Portuqaliya milli komandasının formasını isə 48 dəfə geyinib.