"Qızıl top" mükafatına namizəd 10 futbolçu

"The Independent" nəşri 2026-cı ildə veriləcək "qızıl top" mükafatının əsas namizədlərinin reytinqini açıqlayıb.

Sports.az nəşrə istinadən xəbər verir ki, siyahının ilk pilləsində "Mançester Siti"nin yarımmüdafiəçisi Rodri qərarlaşıb. İspaniyalı futbolçu bu yay keçirilən dünya çempionatının ən yaxşı oyunçusu seçilib.

Nəşr Rodrinin liderliyini belə əsaslandırıb:

"Bu, hər kəsin xoşuna gəlməyə bilər, amma dünya çempionatının "qızıl top"un qalibini müəyyənləşdirən münsiflər üçün əhəmiyyəti danılmazdır. Bunun üçün Luka Modriçdən ("Milan") soruşmaq kifayətdir. Rodri İspaniya millisinin heyətində mundialda möhtəşəm çıxış etdi. O, komandasının etibarlı müdafiəsini qorudu və oyunun tempini müəyyənləşdirən əsas fiqur oldu".

Reytinqdə ikinci yeri hücumçu Harri Keyn ("Bayern"), üçüncü pilləni isə "Barselona"nın forvardı Lamin Yamal tutur.

İlk "10-luq" belə davam edir: 

4. Kilian Mbappe ("Real")

5. Lionel Messi ("İnter Mayami")

6. Osman Dembele (PSJ)

7. Erlinq Haland ("Mançester Siti")

8. Çud Bellingem ("Real")

9. Maykl Olise ("Bayern")

10. Vinisius Junior ("Real")

Son beş ildə "qızıl top" mükafatını Messi (iki dəfə), Kərim Benzema, Rodri və Dembele qazanıblar.