"Fənərbaxça" Reşford üçün hərəkətə keçdi
"Mançester Yunayted"in hücumçusu Markus Reşford karyerasını Türkiyədə davam etdirə bilər.
Sports.az "Tribal Football"-a istinadən xəbər verir ki, "Fənərbaxça" İngiltərə millisinin üzvü ilə ciddi şəkildə maraqlanır və onun transferi üçün böyük məbləğ ödəməyə hazırdır.
İstanbul klubunun nümayəndələri artıq Reşfordun yaxın çevrəsi ilə əlaqə saxlayaraq mümkün keçidin şərtlərini müzakirə etməyə başlayıblar.
"Fənərbaxça" rəhbərliyi çempionluq uğrunda mübarizə aparacaq heyət formalaşdırmaq niyyətindədir. Klub 2013/14 mövsümündən bəri davam edən çempionluq həsrətinə son qoymağı hədəfləyir.
28 yaşlı hücumçu ötən mövsümü icarə əsasında "Barselona"da keçirib. O, Kataloniya təmsilçisinin heyətində meydana çıxdığı 49 oyunda 14 qol vurub və 11 məhsuldar ötürmə verib. Bu göstərici Rəşfordun 2022/23 mövsümündən bəri ən uğurlu performansı olub.
"Barselona"nın futbolçunu 30 milyon avroya (26 milyon funt-sterlinq) birdəfəlik transfer etmək imkanı olsa da, klub Entoni Qordon və Kərim Adeyeminin transferinə üstünlük verdiyi üçün bu hüquqdan istifadə etməyib.
