Salah "Trabzonspor"a keçir

Misir millisinin sabiq hücumçusu Məhəmməd Salah karyerasını Türkiyədə davam etdirəcək.

Sports.az xarici KİV-ə istinadən xəbər verir ki, "Liverpul"un sabiq futbolçusu "Trabzonspor"a keçidini özünəməxsus "Here we go!" (Transfer tamamlanıb) ifadəsi ilə təsdiqləyib. Trabzon təmsilçisinin mətbuat xidməti də Salahın bu gün müqavilə imzalamaq üçün Türkiyəyə gələcəyini açıqlayıb.

34 yaşlı hücumçu ilə müddəti 2 il olan müqavilə imzalanacaq.

Salah ötən mövsümün sonunda "Liverpul"dan azad agent kimi ayrılıb. O, İngiltərə klubunun formasını doqquz il geyinib və bu müddətdə komandanın əsas simalarından biri olub.

"Trabzonspor" ötən mövsüm Türkiyə Super Liqasını "Qalatasaray" və "Fənərbaxça"dan sonra turnir cədvəlinin 3-cü pilləsində başa vurub.