Çalhanoğlu ilə bağlı qərar verilib

"İnter"in yarımmüdafiəçisi Hakan Çalhanoğlu bu yay Milan təmsilçisindən ayrılmayacaq.

Sports.az xarici KİV-ə istinadən xəbər verir ki, türkiyəli futbolçunun müqaviləsinin müddəti gələn ilin yayında başa çatsa da, "İnter" onu cari transfer pəncərəsində buraxmaq niyyətində deyil.

Klub rəhbərliyi 32 yaşlı yarımmüdafiəçi ilə yeni müqavilə məsələsini mövsümün ortalarında – dekabr və ya yanvar aylarında müzakirə etməyi planlaşdırır.

Hakan Çalhanoğlu 2021-ci ildən "İnter"in formasını geyinir. O, ötən mövsüm bütün turnirlərdə keçirdiyi 30 oyunda 12 qol vurub və 7 məhsuldar ötürmə verib.