Salah "Trabzonspor"da - Rəsmi

Misir millisinin hücumçusu Məhəmməd Salah “Trabzonspor”la müqavilə imzalamaq üçün Türkiyəyə gəlib.

Sports.az xəbər verir ki, bu barədə Trabzon təmsilçisinin mətbuat xidməti sosial şəbəkə hesabında məlumat yayıb.

Bundan əvvəl 34 yaşlı futbolçunun “Trabzonspor”la müddəti iki il olan müqavilə şərtlərini razılaşdırdığı bildirilmişdi.

Salah bu yay “Liverpul”dan ayrılıb. Hücumçu “qırmızılar”ın heyətində iki dəfə İngiltərə çempionu (2019/2020, 2024/2025), UEFA Çempionlar Liqasının (2018/2019) və Klublararası dünya çempionatının (2019) qalibi olub. O, həmçinin, İngiltərə kubokunu (2021/2022), İngiltərə Liqa kubokunu (2021/2022, 2023/2024), İngiltərə superkubokunu (2022) və UEFA superkubokunu (2019) da qazanıb.