Dünya futbolu
İspaniyalı müdafiəçi "Bayer"də
05.08.2026 | 13:45
"Napoli"nin müdafiəçisi Migel Qutyerres Leverkuzen "Bayer"inə keçib.
Sports.az xəbər verir ki, bu barədə Almaniya təmsilçisinin rəsmi saytı məlumat yayıb.
"Bayer" 25 yaşlı futbolçu ilə müddəti 2031-ci il iyunun 30-na qədər nəzərdə tutulan müqavilə imzalayıb. Qutyerres "Real"ın yetirməsidir. O, ötən il "Jirona"dan "Napoli"yə transfer olunmuş və Neapol təmsilçisinin heyətində 36 oyunda forma geyinərək əsas oyunçulardan birinə çevrilmişdi.
İspaniyalı futbolçu 2025/26 mövsümündə A Seriyasında 28 matçda meydana çıxıb, 1 qol vurub və 1 məhsuldar ötürmə verib. O, həmçinin UEFA Çempionlar Liqasında 5 oyunda iştirak edib.
Oxşar xəbərlər
Son xəbərlər
