MY türk qapıçını icarəyə göndərir

"Mançester Yunayted"in qapıçısı Altay Bayındır karyerasını İspaniyada davam etdirəcək.

Sports.az xarici KİV-ə istinadən xəbər verir ki, "qırmızı şeytanlar" türkiyəli qolkiperi icarə əsasında "Selta"ya göndərməyə razılaşıb. Müqavilədə 4 milyon avro məbləğində satınalma hüququ da nəzərdə tutulub. 

Transferin yekun dəyəri Bayındırın mövsüm ərzində alacağı oyun vaxtından asılı olaraq dəyişə bilər.

31 yaşlı qapıçının yaxın günlərdə tibbi müayinədən keçərək "Selta" ilə rəsmi müqavilə imzalaması gözlənilir.