"Liverpul" Arauxonun transferini bitirir

“Liverpul” “Barselona”nın müdafiəçisi Ronald Arauxonun transferini tamamlamağa yaxındır.

İngiltərə klubu uruqvaylı futbolçunu satınalma şərti ilə icarəyə götürəcək. Daha əvvəl də bildirildiyi kimi, bu bənd məcburi xarakter daşımır.

Sports.az “Mundo Deportivo”-ya istinadən xəbər verir ki, “Liverpul” Arauxonu 55 milyon avroya birdəfəlik transfer etmək hüququna sahib olacaq.

27 yaşlı futbolçu ötən mövsüm La Liqada 24 oyuna çıxıb və 3 qol vurub.