"Messini rahat buraxmalıyıq"

Argentina Futbol Assosiasiyasının prezidenti Kladio Tapiya Lionel Messinin milli komandadakı gələcəyi barədə danışıb.

Sports.az "All About"-a istinadən xəbər verir ki, o, 39 yaşlı futbolçunun qərarı özünün verəcəyini bildirib:

“Qərarı özü verəcək. Biz onu rahat buraxmalıyıq. Möhtəşəm dünya çempionatı keçirdik, bundan böyük zövq aldıq və onunla fəxr edirik”.

2026-cı il dünya çempionatında Argentina millisi finala qədər irəliləyib. Həlledici qarşılaşmada komanda əlavə vaxtda İspaniya millisinə 0:1 hesabı ilə uduzub.

Messi mundialda Argentina yığmasının keçirdiyi 8 oyunun hamısında iştirak edib. O, 8 qol vurub və 4 məhsuldar ötürmə verib. Final isə onun nəticə baxımından fərqlənə bilmədiyi yeganə matç olub.