"Yuventus" ukraynalı 2 qapıçı arasında seçim edir
“Yuventus” iki ukraynalı qapıçının peşində – Lunin və Trubin gündəmdə
“Yuventus” heyətini ukraynalı iki qapıçıdan biri ilə gücləndirməyi düşünür.
Sports.az xarici KİV-ə istinadən xəbər verir ki, söhbət “Real”ın qapıçısı Andrey Lunindən və “Benfika”nın qolkiperi Anatoli Trubindən gedir.
Luninin “Yuventus” variantını nəzərdən keçirdiyi bildirilir. Ukraynalı qapıçı “Real”da Tibo Kurtuadanın kölgəsində qalmaq istəmir və daha çox oyun praktikası əldə etməyi arzulayır.
Bundan başqa, Turin klubunun qapıçı mövqeyində əsas hədəfi “Parma”nın qolkiperi Zion Suzuki olaraq qalır. Yaponiyalı qapıçının böyük ehtimalla PSJ-yə keçəcəyi gözlənilir.
Trubinə gəlincə, “La Gazzetta dello Sport” onun “Yuventus”un genişləndirilmiş transfer siyahısında yer aldığını yazıb.
Trubin 2025/26 mövsümündə UEFA Çempionlar Liqasının “Real”a qarşı oyununda fərqlənməyi də bacarıb. O, qarşılaşmanın əlavə vaxtında rəqibin cərimə meydançasına daxil olaraq qol vurub və bununla “Benfika”nın pley-off mərhələsinə yüksəlməsinə kömək edib.
