"Bayern" Premyer Liqanın bombardirinə göz dikib

“Bayern” “Brentford”un hücumçusu İqor Tiaqoya maraq göstərir.

Sports.az xarici KİV-ə istinadən xəbər verir ki, Almaniya klubu 25 yaşlı forvardı hücum xəttini gücləndirmək üçün əsas namizədlərdən biri hesab edir. Tərəflər arasında mümkün transferlə bağlı ilkin danışıqlara başlanılıb. Hazırda müzakirələr erkən mərhələdədir və tərəflər mümkün anlaşmanın şərtlərini nəzərdən keçirirlər.

Tiaqo 2025/26 mövsümündə “Brentford”un heyətində Premyer Liqada 38 oyuna çıxıb, 22 qol vurub və 1 məhsuldar ötürmə verib. O, İngiltərə çempionatının bombardirlər yarışında ikinci pilləni tutub.

Braziliyalı futbolçunun “Brentford”la müqaviləsinin müddəti 2031-ci ilin iyununa qədərdir. “Transfermarkt” portalı onun dəyərini 65 milyon avro qiymətləndirir.