Mudrik məşqlərə qayıtdı
"Çelsi"nin vingeri Mixail Mudrik dopinq istifadəsinə görə tətbiq olunan diskvalifikasiyanın ləğv edilməsindən sonra məşqlərə qayıdıb.
25 yaşlı futbolçunun karyerasını davam etdirməsi üçün bir neçə variantın olduğu bildirilir.
Sports.az xarici KİV-ə istinadən xəbər verir ki, “Çelsi” rəhbərliyi Mudriki icarəyə verməyə hazırdır. London klubu futbolçunun başqa komandada optimal formasını bərpa etməsini və müntəzəm oyun praktikası qazanmasını istəyir.
Bildirilir ki, Mudrik bu transfer dövründə “Strasburq”a və ya İtaliya çempionatında çıxış edən komandaya icarəyə gedə bilər. Ukraynalı futbolçunun özünün isə karyerasını İngiltərə Premyer Liqasında davam etdirmək istədiyi qeyd olunur.
Mudrikin “Çelsi” ilə müqaviləsinin müddəti 2031-ci ilin yayına qədərdir.
