Karrager "Arsenal"ın hücum xəttini tənqid etdi
"Liverpul"un sabiq müdafiəçisi və hazırda futbol eksperti kimi fəaliyyət göstərən Ceymi Karrager “Arsenal”ın futbolçuları Bukayo Saka və Martin Odeqarun növbəti səviyyəyə çatmaq şansları barədə fikirlərini bildirib.
Sports.az “Sky Sports”-a istinadən xəbər verir ki, Karrager “Arsenal”ın hücum xəttində daha səviyyəli oyunçulara ehtiyacı olduğunu deyib:
"Mən hələ də düşünürəm ki, “Arsenal”ın hücum xəttində dünya səviyyəli futbolçu yoxdur. Təxminən iki il əvvəl Saka və Odeqarın növbəti səviyyəyə çatacağını düşünürdüm. Bir sıra səbəblərə görə bu baş vermədi, ya zədələr onların oyununa mane oldu, ya da "Arsenal" ən yaxşı oyununu oynamadı. Bu iki futbolçu "Mançester Siti" və "Liverpul" oyunçularının - müvafiq olaraq Kevin De Bruyne və Erlin Haland, ya da Məhəmməd Salah və Sadio Mane kimi oyunçuların nümayiş etdirdiyi səviyyəyə çatmağa yaxın idilər. Bu oyunçular komandalarını kuboklara apardılar.
“Arsenal” çempion oldu, halbuki Odeqar və Saka xüsusi nəsə göstərmədi. Komanda buna əla müdafiə və keyfiyyətli qapıçı sayəsində nail oldu. Bununla belə, mən hələ də əminəm ki, Saka və Odeqar iki il əvvəlki səviyyəyə qayıda bilərlər".
