"Bornmut" "Çelsi"nin 73,4 milyon avroluq təklifinə "yox" deyib
“Çelsi” “Bornmut”un yarımmüdafiəçisi Aleks Skottun transferi üçün hərəkətə keçib.
Sports.az xəbər verir ki, bu barədə “Hooligan Soccer” məlumat yayıb.
London klubu 22 yaşlı futbolçu üçün “Bornmut”a 73,4 milyon avro təklif edib. Ancaq qarşı tərəf bu təklifi rədd edib. “Bornmut” Skottun satışından 91,5 milyon avro qazanmaq istəyir.
Bildirilir ki, “Çelsi” hazırda daha yüksək məbləğdə yeni təklif hazırlayır. "Çelsi"nin növbəti təklifinin “Bornmut”un tələbinə yaxın olacağı gözlənilir.
İngiltərəli futbolçunun transferi ilə “Liverpul”, “Arsenal” və “Mançester Siti” də maraqlanır. “Şəhərlilər” “Çelsi” ilə Enzo Fernandesin transferi üzrə razılığa gələ bilməyəcəyi təqdirdə Skottu heyətinə qatmaq variantını nəzərdən keçirir.
Skott İngiltərə çempionatının ilk turunda 90 dəqiqə meydanda olub.
