Dünya futbolu
"Napoli" futbolçusu ilə yeni müqavilə üçün danışıq aparır
14.09.2026 | 10:00
“Sabah”ın UEFA Çempionlar Liqasında rəqiblərindən olan “Napoli”nin yarımmüdafiəçisi Andre Zambo Anqissa klub rəhbərliyi ilə yeni müqavilə üçün danışıqlara başlayıb.
Sports.az xarici KİV-ə istinadən xəbər verir ki, kamerunlu futbolçu illik maaşının 6 milyon avroya qədər artırılmasını istəyir. Tərəflərin yaxın həftələrdə yeni müqavilənin detalları ilə bağlı müzakirələr aparacağı gözlənilir.
30 yaşlı yarımmüdafiəçinin “Napoli” ilə hazırkı müqaviləsinin müddəti 2027-ci ilin iyununun sonuna qədər qüvvədədir.
“Napoli” UEFA Çempionlar Liqasının liqa mərhələsinin 7-ci turunda, yanvarın 20-də Bakıda “Sabah”ın qonağı olacaq. Qarşılaşma Olimpiya Stadionunda keçiriləcək və saat 21:45-də başlayacaq.
Oxşar xəbərlər
Son xəbərlər
