Enrikinen "Sabah"ın rəqibinin futbolçusu ilə bağlı xahişi
PSJ-nin baş məşqçisi Luis Enrike klub rəhbərliyindən “Barselona” ilə əlaqə saxlayaraq bir futbolçunun transferi imkanını araşdırmağı xahiş edib.
Sports.az “El Nacional”-a istinadən xəbər verir ki, söhbət kataloniyalıların yarımmüdafiəçisi Qavidən gedir.
Luis Enrike 22 yaşlı futbolçunun yüksək intensivliyini, pressinqdə aqressivliyini və xarakterini yüksək qiymətləndirir. İspaniyalı mütəxəssisin fikrincə, Qavi PSJ-nin oyun üslubuna ideal şəkildə uyğunlaşa bilər.
“Barselona” Qavidən ayrılmaq istəmir. Bununla belə, klub rəhbərliyi belə bir futbolçunun ehtiyat oyunçular skamyasında qalmasının müəyyən problemlər yarada biləcəyini anlayır.
Qavi bu mövsüm kifayət qədər oyun vaxtı əldə edə bilmir. O, La Liqanın son iki turunda matçları 90 dəqiqə ehtiyat oyunçular skamyasında keçirib. “Barselona”nın yarımmüdafiəsində rəqabət kifayət qədər yüksəkdir.
İspaniyalı futbolçunun mümkün transferinin təxminən 40 milyon avroya başa gələ biləcəyi bildirilir. Onun komandası noyabrın 25-də, UEFA Çempionlar Liqasının 5-ci turunda Bakıdakı Olimpiya stadionunda "Sabah"ın qonağı olacaq.
