Luis Enrikedən zədələnən Hakimi ilə bağlı açıqlama
PSJ-nin baş məşqçisi Luis Enrike komandasının müdafiəçisi Əşrəf Hakiminin durumuna aydınlıq gətirib.
Mütəxəssis Liqa 1-in 4-cü turunda “Brest” üzərində 1:0 hesablı qələbədən sonra mərakeşli futbolçunun zədələnməsi barədə danışıb. Hakimi qarşılaşmanın 39-cu dəqiqəsində əvəzlənib.
Sports.az “Ekip”-ə istinadən xəbər verir ki, ispaniyalı çalışdırıcı, hələlik ciddi bir şeyin olmadığını bildirib:
“Hazırda zədənin nə dərəcədə ciddi olduğunu bilmirəm. Tibbi müayinədən sonra nə baş verəcəyini görəcəyik. Hələlik ciddi bir şey yoxdur, amma zədəsi var”.
PSJ çempionatda keçirdiyi 4 oyundan sonra 5 xal toplayıb və turnir cədvəlinin 7-ci pilləsində qərarlaşıb. “Brest” də 5 xala malikdir və 9-cu sırada yer alır.
Hakimi cari mövsümdə PSJ-nin heyətində 7 oyuna çıxıb.
