"Real" Almaniya klubunun qapıçısına göz dikib

Dortmund “Borussiya”sının qapıçısı Qreqor Kobel Avropanın top-klublarından birinin maraq dairəsinə düşüb.

Sports.az xarici KİV-ə istinadən xəbər verir ki, “Real” 28 yaşlı qapıçının çıxışını yaxından izləyir. Tərəflər arasında hələlik heç bir danışıq aparılmayıb.

Kobelin transfer qiyməti 40 milyon avro dəyərləndirilir. İsveçrəli qolkiper 2021-ci ilin yayından Dortmund klubunun formasını geyinir. Onun “Borussiya” ilə müqaviləsinin müddəti 2028-ci ilin iyununun sonuna qədərdir.

Kobel cari mövsümdə Bundesliqada 3 oyunda meydana çıxıb və qapısında 2 qol görüb.