"Sabah"ın rəqibinin futbolçusu": "İstənilən müdafiəni yarmaq iqtidarında olan yarımmüdafiəçilərimiz də var"
“Sabah”ın UEFA Çempionlar Liqasında rəqiblərindən biri olan “Barselona”nın cinah oyunçusu Entoni Qordon komandanın hücumdakı fərqli variantlarından danışıb.
Sports.az “Barca Universal”-a istinadən xəbər verir ki, o, açıqlamasında komanda yoldaşlarının fərqli xüsusiyyətlərə malik olduğunu bildirib:
“Fermin Lopes və Dani Olmo hər ikisi 10 nömrə mövqeyində oynaya bilər, lakin onların tamamilə fərqli keyfiyyətləri var. Yamal istənilən rəqibi təkbətək mübarizədə keçə bilir, Rafinya oyuna özünəməxsusluq qatır, mən və Adeyemi isə fərqli seçimlər təklif edirik. Həmçinin, istənilən müdafiəni yarmaq iqtidarında olan yarımmüdafiəçilərimiz də var”.
“Barselona” beş turdan sonra 15 xalla La Liqanın turnir cədvəlinə başçılıq edir. Kataloniya təmsilçisi bu görüşlərdə 21 qol vurub, 4 qol buraxıb və hər iki göstəricidə çempionatda liderdir. Komandanın Çempionlar Liqasının liqa mərhələsində isə rəqiblərindən biri “Sabah”dır. Tərəflər arasında qarşılaşma 25 noyabr Bakıda Olimpiya stadionunda baş tutacaq.
