"Düşünürəm ki, bu il Yamalın ili idi"
Almaniya millisinin və “Bayern”in sabiq futbolçusu Lotar Matteus, “Real”ın hücumçusu Kilian Mbappe ilə “Barselona”nın oyunçusu Lamin Yamalın “qızıl top”u qazanmaq şanslarını dəyərləndirib.
Sports.az xarici KİV-ə istinadən xəbər verir ki, o, titulların mükafat uğrunda mübarizədə həlledici rol oynadığını deyib:
“Düşünmürəm ki, bu il Yamalın ili idi. O, daha əvvəlki mövsümdəki səviyyədə çıxış etmədi. Lakin bu, onun mükafatı almayacağı anlamına gəlmir. Yamalın “qızıl top”u qazanmaq şansı var.
Mbappeyə gəldikdə isə... Məncə, titullar həlledici rol oynayır. Məhz buna görə də, Yamalın şansı Mbappedən daha yüksəkdir. Fransalı futbolçu nə “Real”la, nə də milli komanda ilə heç nə qazana bilməyib”.
“Qızıl top”un təqdimetmə mərasimi oktyabrın 26-da, Londonda keçiriləcək. Ötən il bu mükafatı PSJ-nin futbolçusu Osman Dembele qazanıb.
