"Kristal Pelas" qapıçısına yeni müqavilə təklif edəcək

“Kristal Pelas”ın rəhbərliyi qapıçı Din Hendersonla əməkdaşlığı davam etdirmək niyyətindədir.

Sports.az xəbər verir ki, bu barədə “The Athletic” məlumat yayıb.

“Qartallar” İngiltərə millisinin 29 yaşlı qapıçısına yeni müqavilə təklif etməyə hazırlaşır.

Henderson 2023-cü ildən “Kristal Pelas”ın formasını geyinir. O, cari mövsümdə Premyer Liqada 3 matçda iştirak edib. Hazırda zədə səbəbindən müalicə olunan qolkiperin qarşıdakı beynəlxalq fasilədən dərhal sonra – yayda onu transfer etməyə çalışan “Nottingem Forest”lə matça qədər sıraya dönəcəyi gözlənilir.

Hendersonun “Kristal Pelas”la müqaviləsinin müddəti 2028-ci ilin iyununun sonuna qədərdir.