"Sabah"ın rəqibi futbolçusu ilə yeni müqavilə üzərində çalışır

“Barselona” vingeri Rafinya Diasla müqavilənin müddətini uzatmaq üzərində çalışır.

Sports.az xəbər verir ki, bu barədə “Diario Sport” məlumat yayıb.

Kataloniya klubunun idman direktoru Deku bununla bağlı 29 yaşlı futbolçu ilə şəxsən görüşüb. Rafinyanın hazırkı müqaviləsinin müddəti 2028-ci ilin yayına qədərdir.

Braziliyalı futbolçu İspaniya çempionatının yeni mövsümünə məhsuldar başlayıb. O, keçirdiyi 5 oyunda 6 qol vurub və 3 məhsuldar ötürmə verib.

"Barselona" "Sabah"ın UEFA Çempionlar Liqasının əsas mərhələsində rəqiblərindən biridir. Tərəflər noyabrın 25-də Bakıdakı Olimpiya stadionunda üz-üzə gələcəklər.